Një video e cila është duke qarkulluar në internet tregon një grua kolumbiane e cila i ‘lutet’ policisë për ta vrarë pasi djali i saj i vetëm u vra gjatë protestave të fundit në vend.
“Do të shkoj edhe unë pas djalit tim”, vajton ajo. “Ai ishte djali im i vetëm, ai ishte djali im i vetëm. Duhet të më vrasin edhe mua”, thotë ajo.
Shtetet e Bashkuara, Bashkimi Evropian, Kombet e Bashkuara dhe organet e tjera të të drejtave dënuan dhunën që po ndodh në Kolumbi, ku thuhet se 19 persona janë vrarë gjatë protestave të fundit anti-qeveritare.
#Colombia is crazy right now… This woman is screaming for police to kill her. She is screaming that they have killed her only son and now she has to die. She’s hysterical on the ground in shambles as her son lies dead. pic.twitter.com/LJCHDqtCUO
— Immortal Technique (@ImmortalTech) May 5, 2021
Sipas medieve të huaja, përcjell Telegrafi, si rrjedhojë e këtyre protestave thuhet se 89 persona po raportohen si të “zhdukur”.
Dhjetëra mijëra kolumbianë kanë vërshuar rrugëve në demonstrata që filluan të mërkurën e kaluar kundër një reforme të propozuar të taksave, por që atëherë u shndërruan në protesta më të gjera kundër qeverisë së presidentit Ivan Duque. /Telegrafi/
