Drejtori sportiv i Paris Saint-Germainit, Leonardo ka thënë se ata janë duke punuar që të nënshkruajnë marrëveshje e reja me Neymarin dhe Kylian Mbappen.
Derisa Mauricio Pochettino po tenton të ndërtojë një skuadër të re, kryesia e klubit francez po punojnë në rinovimin e kontratave të dyshes më të mirë që posedojnë.
Leonardo ka thënë se ata janë duke shpresuar që të gjejnë një marrëveshje të mirë për të dyja palët.
“Shpresoj se ata janë të bindur që PSG është një vend i mirë për momentin për një futbollist të nivelit shumë të lartë dhe ambicioz”, ka thënë ai.
“Ne thjesht duhet të gjejmë një marrëveshje midis dëshirave të tyre, kërkesave të tyre, pritjeve tona dhe mjeteve tona”.
“Ne nuk duhet t’iu lutemi atyre. Ju lutemi qëndroni. Është më e argumentuar se kaq. Ata që duan vërtet të qëndrojnë do të qëndrojnë. Ne flasim rregullisht dhe unë kam ndjenja të mira për këto dy çështje”, ka shtuar më tej Leonardo. /Telegrafi/