Droni turk kishte gjetur atë që pretendohet se ishin rrënojat e helikopterit të rrëzuar të presidentit iranian Ebrahim Raisi, i cili humbi jetën së bashku me ministrin e Jashtëm, Hossein Amir Abdollahian.
Bëhet fjalë për dronin “Akinci”, që identifikoi burimin e nxehtësisë së fluturakes (motorin), kurse pamjet e këtij momenti janë publikuar, transmeton Telegrafi.
Pas rrëzimit të djeshëm të helikopterit që transportonte presidentin iranian, ministri turke e Mbrojtjes aktivizoi një dron dhe helikopterin e tipit “Cougar” që kanë mjete për vëzhgim gjatë natës.
Gjatë tërë natës fluturuan derisa lokalizuan mbetjet e helikopterit të rrëzuar, kurse pamjet u janë shpërndarë edhe mediave.
Nga ky rrëzim i helikopterit, përpos presidentit iranian dhe ministrit të Jashtëm, kanë humbur jetën edhe gjashtë persona tjerë. /Telegrafi/
