FC Drita është bërë me trajner të ri. Klubi gjilanas ka arritur marrëveshje me trajnerin boshnjak, Amir Alagic.
Siç njofton ky klub, ai është trajner me licencë profesionale A nga UEFA, ndërsa më parë ka qenë asistent-trajner në klube të mëdha si WFL Osnabruck dhe Werder Bremen.
Së fundmi ishte trajner i klubit, Carlstad United. Gjithashtu, Alagic ka qenë selektor i Bruneit, shkruan Zëri.
“FC Drita me këtë trajner synon të sjellë profesionalizëm dhe përvojë ndërkombëtare brenda klubit. Qëllimi kryesor është ndërtimi i një filozofie të lojës në bazë të së cilës do të krijohet një identitet dhe mentalitet i ri”, shkruan klubi gjilanas në grupin e tij zyrtar në Facebook. Një ditë më parë, trajneri Sedat Pajaziti dha dorëheqje nga posti i trajnerit.
Alagic kishte ardhur edhe te Liria, por nuk kishte arritur marrëveshje me klubin.