Sot (e hënë), me fillim në ora 17:00 (më kohën tonë), Drita do të zhvillojë ndeshjen miqësore kundër Olympiakos Nicosia.
Ndeshja zhvillohet në Bansko të Bullgarisë, ku skuadra nga Kosova është duke i bërë disa përgatitje për sezonin e ri.
Kjo përballje do të vijë pas takimit kundër FC Struga Trim Lum, të cilën ‘Intelektualët’ e fituan me rezultat 1-0 të premten.
Drita ishte skuadra e radhës që udhëtoi jashtë vendit për fazën përgatitore para fillimit të kampionatit të ri të Superligës së Kosovës në futboll.
Klubi nga Gjilani ka caktuar dhjetë ditë qëndrimi në shtetin bullgar, për t’i zhvilluar disa ndeshje miqësore. /Telegrafi/