Drejtori i Drejtorisë së Arsimit në Komunën e Vushtrrisë, Albanez Tahiraj ka nënshkruar marrëveshje bashkëpunimi me shoqatën profesionale të informaticientëve “ShPIK”.
Sipas njoftimit, kjo marrëveshje bashkëpunimi ka për qëllim avancimin e shkathtësive digjitale të nxënësve dhe mësimdhënësve në Komunën e Vushtrrisë, shkruan Telegrafi.
Bëhet e ditur se tashmë do të organizohen aktivitete inovative në fushën e kodimit.
“Përmes këtij partneriteti, do të organizohen aktivitete inovative në fushën e kodimit, si dhe trajnime të posaçme për integrimin efektiv të teknologjisë në procesin mësimor”, thuhet në njoftim.
Thuhet se përmes përdorimit të platformava si “Code org”, synojnë t’i zhvillojnë shkathtësitë në kodim dhe mendim logjik. /Telegrafi/
