Do të mbahet edicioni i dytë në kuadër të kampionatit botëror të hokej në eSports.
Organizata DreamHack Sports Games me fokus në sportet tradicionale, ka një audiencë të madhe për lojërat sportive, të cilat janë të lehta për t’u kuptuar me shumicën e tyre të krijuara bazuar nga sportet tradicionale.
Kampionati i ri i organizuar nga DreamHack Sports Games në video-lojën e sportit hokej, “NHL”, do të ndahet në dy ngjarje rajonale për Evropën dhe për Amerikën Veriore.
Kampionati Evropian do të mbahet në festivalin e lojërave GG DreamHack Sports më 4 qershor në Mastriht të Holandës, ndërsa kampionati i Amerikës Veriore do të mbahet në Montreal të Kanadasë më 7 korrik.
Turneu do të mbahet veçmas për secilën nga katër konzolat, siç janë Xbox One, Xbox Series X, Playstation 4 dhe Playstation 5.
Ky edicion i kampionatit pritet të shpërndajë afër 91.000 euro çmime për pjesëmarrësit. /Telegrafi/
