Policia në qytetin indian të Gurugram ka arrestuar një menaxher restoranti pasi disa klientë përfunduan në spital.
Ata papritmas filluan të vjellin dhe të pështyjnë gjak, ndaj është thirrur ambulanca dhe policia.
Hetimi zbuloi se të ftuarve fatkeq iu shërbye një përzierje sheqeri dhe erëzash që tradicionalisht ofrohet pas një vakti ushqimesh.
Paketa freskuese thuhet gjithashtu se përmbante akull “të thatë”, një formë e ngurtë e dioksidit të karbonit që përdoret zakonisht si ftohës, raporton bbc.
Mediat vendase raportojnë se po vijojnë kërkimet për gjetjen e pronarit të lokalit, i cili ndodhet në arrati.
Zyrtarët saktësuan se Ankit Kumar vizitoi restorantin të shtunën, i shoqëruar nga bashkëshortja dhe miqtë e tij.
Pas darkës, kamerieri u ofroi një paketë freskuese dhe sapo e konsumuan filloi drama.
Në një video që qarkullon në rrjetet sociale, të ftuarit shihen me dhimbje – disa prej tyre vendosin akull në gojë dhe pinin ujë. Ata pretendojnë se stafi nuk ka dashur t’i ndihmojë. /Telegrafi/