Borussia Dortmundi e ka mbyllur me epërsi (1-0) pjesën e parë të ndeshjes kthyese çerekfinale të Ligës së Kampionëve kundër Manchester Cityt.
Citizens e fituan me rezultat 2-1 sfidën e parë të zhvilluar në Etihad Stadium, ashtu që BVB e ka për detyrë që ta përmbysë atë rezultat në Signal Iduna Park.
Dhe në minutën e 15-të, skuadra gjermane e bëri hapin e parë në këtë drejtim duke kaluar në epërsi.
Një top i kthyer arriti në këmbët e Jude Bellingham jashtë zonës, ai nuk mendoi gjatë dhe dërgoi një goditje drejt këndit të portës, të cilën nuk arriti që ta nxirrte jashtë portieri Ederson.
Nëse ndeshja mbyllet me këtë rezultat (1-0), atëherë në gjysmëfinale kualifikohet Borussia Dortmundi për shkak të golit në terren mysafir. Megjithatë, janë edhe 45 minuta për t’u zhvilluar. /Telegrafi/
https://twitter.com/ElForastero1982/status/1382412893723975690