Borussia Dortmund ka vazhduar me fitore në Bundesliga, teksa ka mposhtur Hoffenheimin me rezultat 1-0.
Verdhezinjtëkanë zhvilluar një ndeshje shumë të mirë, duke dominuar kundërshtarin, por pa mundur të shënojnë më shumë.
Ishte minuta e 16-të e ndeshjes kur u shënua goli i vetëm në këtë sfidë.
Kapiteni Marco Reus u shërbye për mrekulli në zonë nga Julian Brandt dhe me një goditje të fortë realizoi për 1-0.
🔥 MARCO REUS 🔥 pic.twitter.com/D9WyOB6X8J
— Borussia Dortmund (@BlackYellow) September 2, 2022
Deri në fund të ndeshjes kishte raste të mira nga të dyja skuadrat, por gola më nuk pati dhe Dortmund arkëtoi tri pikët.
Për verdhezinjtë kjo ishte fitorja e katërt këtë kampionat në pesë xhirot e para.
Wenn du siehst, dass Borussia führt. pic.twitter.com/WFcMXoO1NC
— Borussia Dortmund (@BVB) September 2, 2022
Me tri pikët e kësaj sfide, Dortmund merr kryesimin në Bundesliga me 12 pikë të grumbulluara, derisa Hoffenheim mbetet në vendin e pestë me nëntë pikë.
Ndeshjen e radhës Dortmund do ta zhvilloj në udhëtim te RB Leipzig, derisa Hoffenheim pret Mainzin. /Telegrafi/