Manchester United kanë fituar në shtëpi ndaj Watfordit me rezultat 2-0.
Skuadra e Jose Mourinhos po luan lojë të mirë dhe të sigurt, duke mos lëshuar edhe aq pikë, pasi objektivi kryesor është përfundimi në katër pozitat e para, që të shpien në Ligën e Kampionëve.
Kështu ndodhi edhe ndaj Watfordit të Walter Mazzarrit, që United e mposhti me lehtësi, duke i shënuar në secilën pjesë nga një gol.
Goli i parë i takimit u shënua nga mesfushori spanjoll, Juan Mata, i cili përmbylli një aksion perfekt në minutën e 32 pas asistimit të Anthony Martial dhe me rezultat 1-0 skuadrat shkuan në pushimin mes dy pjesëve.
Edhe në pjesën e dytë ‘Djajtë’ ishin më të mirë dhe më kërkues, duke arritur edhe qëllimin në fund.
Goli i dytë i Unitedit u shënua në minutën e 60-të, ku ishte Martial, i cili shënoi një gol të bukur pas asistimit të Zlatan Ibrahimovicit.
Deri në fund të takimit, mysafirët u mundua të ngushtoj epërsinë, por pa pasur sukses, teksa vendasit nga Old Trafford arritën të ruajnë mirë epërsinë dhe në fund t’i gëzohen fitores 2-0.
Pas kësaj fitore, United e sheh vetën në vendin e pestë me 48 pikë apo vetëm një më pak se rivalët lokal, City, që gjenden në vendin e katërt, ndërsa Watfordi renditet e 12-ta me 30 pikë. /Telegrafi/
https://twitter.com/AllUnitedGoals/status/830439872590655491
Le 2-0 de notre Martial !
— MUSC Red Flag 🇧🇪 (@MUSCRFB) February 11, 2017