Në kuadër të shënimit të Ditës së Efiçiencës së Energjisë më 5 mars, Komuna e Vushtrrisë do të organizojë një panel diskutimi mbi rëndësinë e kursimit të energjisë elektrike.
Sipas njoftimit, përmes diskutimeve synohet angazhimi i qytetarëve në reflektimin mbi të ardhmen e energjisë elektrike, shkruan Telegrafi.
“Përmes diskutimeve, eksperiencave praktike dhe shprehjes kreative, këto aktivitete synojnë të angazhojnë qytetarët dhe veçanërisht të rinjtë në reflektimin mbi të ardhmen e energjisë”, thuhet në njoftim.
Bëhet e ditur se ky panel diskutimi do të mbahet në sallen e Kuvendit Komunal të Vushtrisë, në orën 09:00, më 5 mars. /Telegrafi/
