Edinson Cavani po kalon një kohë të vështirë në Manchester United që nga kthimi i Cristiano Ronaldos në “Old Trafford”.
Uruguaiani po luan më pak në ekipin e Ole Gunnar Solskjaer që kur erdhi Ronaldo, dhe sipas ish-yllit të United, Dimitar Berbatov, ai nuk është i lumtur.
“Cavani nuk është i lumtur. Ai pati një sezon të parë të mrekullueshëm në United, por ai ka humbur vendin e tij në hierarki si dhe numrin e tij 7”.
“Shpresoj që Solskjaer të ketë pasur një bisedë të sinqertë me të”, ka thënë Berbatov për Tuttosport.
Bullgari beson se të gjithë lojtarët duan të luajnë, por në fund të fundit varet nga vendimet e trajnerit.
“Puna e lojtarit është të zgjedhë ekipin, dhe ndiheni të mjerë kur ju lënë jashtë”, shtoi ai.
Berbatov tha gjithashtu se nënshkrimi i Ronaldos u bë vetëm për të kënaqur tifozët dhe do të shkaktojë më shumë probleme sesa zgjidhje. /Telegrafi/