Digjet ambasada ruse në Filipine, nuk ka viktima

Një zjarr ka shpërthyer në ambasadën ruse në Filipine, ku nuk ka persona të vdekur apo të lënduar, ndërsa stafi i ambasadës dhe familjarët e tyre janë evakuuar.

Këtë e ka bërë të ditur sot Ministria e Punëve të Jashtme ruse, e cila nuk ka dhënë shumë detaje.

“Nuk pati viktima apo të lënduar, punonjësit dhe anëtarët e familjeve të tyre që ndodheshin në ambasadë u evakuuan”, njoftoi departamenti i krizave.

Ministria deklaroi gjithashtu se “zjarri në ambasadën ruse në Manila u shua”.

Më herët sot, mediat filipinase raportuan se një zjarr shpërtheu në ambasadën ruse në Manila dhe u publikua një video që tregonte çatinë e ndërtesës duke u djegur. /Telegrafi/