Roma ka arritur të vazhdoj me fitore në Serie A, pasi ka marrë edhe fitoren e katërt radhazi.
Kësaj radhe ‘Giallorosët’, mposhtën në udhëtim Fiorentinën me rezultat 4-2.
Pas ndeshjes, trajneri i Romës, Eusebio Di Francesco ka mbetur i kënaqur nga paraqitja e lojtarëve.
“E dinim se do të ishte ndeshje e vështirë pasi Fiorentina dëshironte të reagonte pas humbjes nga Crotone dhe na vuri në vështirësi”.
“Pas fitores ndaj Chelseat kam menduar se djemtë do të vetëkënaqen dhe jam frikësuar për këtë takim”.
“Të gjithë në fushë treguan karakter të madhe dhe ishte një fitore tejet e rëndësishme për vazhdimësi”, u shpreh tekniku italian.
Ai ka folur edhe për talentin e madh brazilian Gerson që shënoi dy golat e parë për Romën.
“E kam përcjellë atë edhe para se të vija në Romë dhe e dija që mund të luaj si sulmues krahu. Kam besim të madh tek ai dhe e di që mund të përmirësohet edhe më shumë”, përfundoi trajneri italian.
Pas fitores ndaj Fiorentinës skuadra nga kryeqyteti italian iu është afruar Napolit në pesë pikë dhe ka një ndeshje më pak të zhvilluar. /Telegrafi/