Roma e Eusebio Di Francescos nuk di të fitojë që katër javë radhazi në Serie A.
Giallorosët kanë pësuar dy humbje dhe kanë marrë dy barazime, ndërsa edhe në Ligën e Kampionëve kanë nisur me humbje.
Pas humbjes 2-0 nga Bologna u besua se Di Francesco do të jap dorëheqje nga pozita e tij si trajner i Romës por kjo gjë nuk do të ndodhë.
“Ne jemi duke bërë budallaqe me këto rezultate dhe unë jam përgjegjës”, ka thënë Di Francesco.
“Tani e tutje do të jetë një Romë ndryshe, në fushë do të jenë vetëm ata lojtarë që luftojnë”
“Nuk do të presë më lojtarët të përshtaten në pozitat e tyre, do të fusë vetëm ata që meritojnë”.
Tutje trajneri italian ka folur edhe për golat shumë të lehtë të pësuar nga kundërshtarët.
“Kam punuar shumë me mbrojtësit dhe kjo gjë që po ndodh po më çmend, pasi po shoh shumë gabime të pafalshme”.
“Golat po i pësojmë nga gabimet tona në fushën kundërshtare dhe kjo është e pafalshme”, përfundoi Di Francesco.
Në javën e ardhshme Roma do të luaj në Olimpico përballë Frosinones. /Telegrafi/