Eusebio Di Francesco rrëfen se arritja e çerekfinaleve të Ligës së Kampionëve është ‘vendimtare’ për Romën përpara përplasjes të së martës me Shakhtar Donetsk.
Roma humbi 2-1 në ndeshjen e parë të fazës së parë të eliminimit direkt ndaj Shakhtarit dhe Di Francesco sfidoi skuadrën e tij për të rikthyer ‘momentin’ e tyre në Olimpico.
“Ne kemi një objektiv të vetëm, i cili kalon nëpër kolektiv, edhe dikush si Dzeko mund të jetë vendimtar”, ka thënë fillimisht Di Franscesco në konferencën për shtyp.
“Ne nuk kemi pasur shumë konsistencë gjatë 90 minutash në lojën e parë, por shpresoj se gjithçka që kemi kaluar mund të na çojë që të mos bëjmë gabime”.
“Nëse luajmë si në Napoli, do të ishte mirë për rrugën tonë. Ne kemi një ekip të mirë para nesh, por nuk mund të jemi të lumtur vetëm duke kaluar tutje”.
“Ne bëmë shumë gabime në mbrojtje në pjesën e parë dhe nuk mund të përballojmë përsëri, edhe nëse duhet të jemi pak të lumtur”.
“Ne duhet të fitojmë. Kualifikimi është thelbësor për ne që të rikthejmë momentin, jo vetëm për ne por edhe për klubin”.
“Unë shpresoj se nesër do të kemi një njeri të 12-të në fushë. Roma duhet të tregoj kalibër në këtë lojë dhe unë ende shpresoj që të bëj diçka të rëndësishme me këta djem”, përfundoi trajneri italian. /Telegrafi/