Ekipi FaZe u shpall ekipi më i mirë për vitin 2022, tani HLTV ka prezantuar dhjetë skuadrat më të mira të vitit dhe fitimet e tyre.
Faqja më e madhe për CS:GO, HLTV, edhe njëherë ka prezantuar më të mirët për vitin 2022, ku renditja e tyre është bërë në bazë të rezultateve të tyre në turne të ndryshëm si dhe çmimet e fituara duke përfshirë këtu edhe ato me formacionet e tyre të kaluara.
Vendi i dhjetë i takon ekipit Vitality me lojtarët si: apEx, dupreeh, Magisk, ZywOo, Spinx dhe misutaaa i cili nuk është më pjesë e tyre.
Ata gjatë vitit 2022 fituan çmime në vlerë rreth 439 mijë dollarë.
Në vendin e nëntë renditet ekipi ENCE me lojtarët: Snappi, Maden, dycha dhe Spinx, SunyPaus, valde, Snax që nuk janë më pjesë e tyre.
Gjatë vitit 2022 ENCE fituan çmime në vlerë prej 338 mijë dollarësh.
Vendin e tetë e zë ekipi brazilian FURIA me lojtarët arT, yuurih, KSCERATO, saffe dhe drop.
Në vitin 2022 ekipi FURIA fitoi çmime në vlerë 321 mijë dollarë.
Vendin i shtatë i takon ekipit Outsiders të cilët fituan Majorin e fundit me lojtarët si Jame, Qikert, FL1T, n0rb3r7, fame dhe Yekindar, Buster që nuk janë më pjesë e tyre.
Vlera e çmimeve të fituara nga Outsiders shkon në 743 mijë dollarë.
Ekipi amerikan Liquid renditet në vendin e gjashtë me lojtarët nitr0, NAF, EliGE, oSee, Yekindar dhe shox që nuk është më pjesë e ekipit.
Liquid fituan çmime në vlerë rreth 530 mijë dollarë në vitin 2022.
Vendin e pestë e zë ekipi Cloud9 me lojtarët si sh1ro, nafany, Ax1Le, interz dhe HObbit.
Ata fituan rreth 483 mijë dollarë gjatë vitit 2022.
Në vendin e katërt renditet ekipi danez Heroic ku bëjnë pjesë cadiaN, TeSeS, stavn, sjuush, jabbi, dhe refrezh i cili nuk është më pjesë e tyre.
Heroic në ngjarjet e vitit 2022 kanë fituar rreth 807 mijë dollarë.
Ekipi G2 fituesit e turneut të fundit në vitin 2022 renditen në vendin e tretë ku bëjnë pjesë lojtarë si huNter-, Nik0, m0NESY, HooXi, jks dhe jACKZ, AleksiB, AMANEK që nuk janë më pjesë e tyre.
G2 kanë fituar çmime në vlerë rreth 887 mijë dollarë në ngjarjet e 2022.
Vendi i dytë i takon ekipit ukrainas Na’Vi me lojtarët si s1mple, electronic, Perfecto, b1t, npl dhe treshen që nuk janë më pjesë e tyre sdy, Boombl4, headtr1ck.
Na’Vi kanë fituar çmime në vlerë prej 824 mijë dollarësh në vitin 2022.
Vendi i parë i takon ekipit FaZe të cilët padyshim se ishin më të mirët e vitit, me lojtarët si karrigan, broky, rain, Twistzz, ropz dhe jks që nuk është më pjesë e tyre.
FaZe kanë fituar çmime në vlerë prej 1.8 milion dollarësh në vitin 2022. /Telegrafi/
