Turneu Major i CS:GO, PGL Antwerp Major ishte fantastik, ku pati befasi të shumta, njëra ndër to ishte edhe arritja e ekipit shqiptar Bad News Eagles.
Në turneun i cili u mbajt në qytetin Antwerp të Belgjikës, garuan ekipet më të mira të botës, në garën për një grup çmimesh prej 1 milion dollarë.
Fitues i këtij turneu madhor doli ekipi i FaZe në krye me kapitenin karrigan, të cilët fituan një turne Major për herë të parë, pasi mposhtën ekipin Na’Vi në finale.
Nuk munguan as momentet fantastike nga lojtarët e ekipeve gjatë këtij turneu, ku pjesë e kësaj liste është edhe lojtari shqiptar Rigon ‘rigoN’ Gashi, me aksionin e tij fantastik kundër ekipit brazilian MiBR.
Më poshtë e gjeni videon nga PGL me dhjetë momentet më të mira gjatë turneut PGL Antwerp Major. /Telegrafi/
