Faqja më e madhe për CS:GO, HLTV ka mbledhur aksionet më të mira të vitit 2022 nga lojtarët më të mirë të botës.
Si gjithmonë stafi i HLTV vazhdon të bëjë përzgjedhjen e aksioneve më të mira të vitit, duke shënuar kështu edicionin e 12 –të, të publikimit të këtyre videove.
Viti 2022 ishte me një konkurrencë shumë të madhe, ku pati ngjarje interesante dhe me shumë emocione.
Në listën e dhjetë aksioneve më të mira, padyshim se nuk mungojnë as disa nga lojtarët më të mirë të botës.
Pjesë e kësaj liste janë lojtarë si ZywOo, m0NESY, Twistzz, ropz, Jame dhe më shumë, por çka është më befasuese është mungesa e s1mple në këtë video.
Më poshtë mund ta shihni videon e përgatitur nga HLTV, me dhjetë aksionet më të mira nga skena profesionale e CS:GO në vitin 2022. /Telegrafi/
