Poezi nga: Fernando Pessoa
Përktheu (nga anglishtja): Besnik Hamiti
O det i shtartë, sa nga kripa jote u kullue
prej lotve të Portugalisë!
Sa nâna ka vajtue
qi na me mujtë me të kalue!
Sa bijtë janë lutë kot!
Sa nuset me vade të dame s’janë martue
kurrë, qi ti me u bâ i joni, o det!
A ia ka vlejtë? Çdo gjâ ia vlen
Kur shpirti i vepruesit s’âsht i vogël.
Secili qi del matanë Kepit
Duhet me kapërcye matanë pikëllimit.
Zoti brumosi rrezikun e humnerën n’det,
Veçse edhe e bâni pasqyrë të qiellit.