“Derby della Capitale”: Lazio mposht mjeshtërisht Romën

Lazio ka marrë fitore të madhe 1-0 në udhëtim te Roma në derbin lokal që u zhvillua në kuadër të javës së 13-të në Serie A.

Pas 29 minutash lojë, Pedro ia doli ta gjente Felipe Andersonin, që shënoi golin e vetëm në “Olimpico”.

Dy skuadrat më pas shkuan në pushimin mes pjesëve, ndërsa 45 minutat e dytë ishin më të qetë.

Rastin më serioz në këtë pjesë e pati golashënuesi  Anderson, mirëpo goditja e tij në minutën e 73-të u prit nga Rui Patricio.

Deri në fund, dy skuadrat u munduan që të gjenin rrjetën e njëra-tjetrës, mirëpo Lazio ishte ajo që festoi në fund.

Pas javës së 13-të, Lazio gjendet në vendin e tretë me 27 pikë, ndërsa Roma ka dy më pak dhe gjendet në të pestin.

Në xhiron e 14-të, Roma do të ketë punë me Sassuolon, duke shpresuar që të mos shkëputet shumë nga top katërshja. /Telegrafi/