Derbi i xhiros së gjashtë i elitës së futbollit të Maqedonisë së Veriut, ndërmjet Shkëndijës dhe Shkupit u mbyll pa fitues me rezultat 0-0.
Pjesa e parë u mbyll me rrjeta të pa prekura, me Shkupin që kishte një rast të mirë me Ramanin, përderisa edhe Shkëndija regjistroi dy tentativa, por që nuk rrezikuan portën e Artan Iljazit.
Edhe 45 minutat e dyta nuk sollën ndryshime në lojë, ku mund të veçohet vetëm goditja e fortë nga distanca e Mevlan Adilit, që përfundoi mbi portën e Shkupit.
Deri në fund nuk kishte ndryshim në rezultat dhe ndeshja u mbyll me barazim 0-0 dhe me nga një pikë për të dyja ekipet.
Ndërkohë në ndeshjet tjera, Gostivari u mund sërish, duke pësuar në shtëpi nga Sileksi me rezultat 1-2, ndërsa Voska Sport triumfoi me shifra 2-0 ndaj Bregallnicës së Shtipit.
Në dy takimet tjera, Vardari mundi Makedonija Gjorce Petrovit 2-1, ndërkohë në Strumicë, Brera dhe Rabotniçki u ndanë me barazim 0-0./Telegrafi/