Është zhvilluar derbi lokal i Valencias mes Levantes dhe Valencias që ka përfunduar me fitoren 3-4 të mysafirëve.
Levante ka qenë në epërsi prej dy golave, pasi shënuan Campana dhe Marti për tre minuta, në 21 dhe 24.
Gonzalo Guedes i mysafirëve ngushtoi epërsinë para se dy skuadrat të shkonin në pushim prej 15 minutave.
Carlos Soler barazoi gjithçka në minutën e 50-të, kur shënoi nga penalltia për 2-2.
Soler shënoi edhe në minutën e 72-të për 2-3, derisa Gonzalo Guedes u përkujdes për golin e sigurisë së Valencias 2-4 në minutën e 85-të.
Gjithsesi për golin përfundimtar të kësaj sfide u përkujdes mesfushori shqiptar Enis Bardhi që realizoi në minutën e 91-të.
Për Bardhin ky ishte goli i tretë këtë edicion në La Liga, derisa ka bërë edhe një asistim.
Levante vazhdon të mbetet skuadra e vetme pa fitore këtë edicion në La Liga, ku pas 18 xhirove ka tetë barazime e 10 disfata.
Klubi i dy futbollistëve shqiptarë, Enis Bardhi e Shkodran Mustafi nuk di për fitore në La Liga që nga 10 prilli i këtij viti. /Telegrafi/
