Meshkujt që nuk janë aq “mashkullorë” mund ta përmirësojnë dukshëm “burrërinë” e tyre në sytë e grave duke përdorur deodorant, sugjeron studimi.
Megjithatë, hulumtimi tregon se meshkujt që kanë trajta “shumë mashkullore” nuk e përjetojnë të njëjtën ngritje të burrërisë, sipas hulumtuesve të cilët kanë hetuar se si parfumi i ndryshon perceptimet e gjinisë.
Ekspertët kanë zbuluar se femrat janë më të ndjeshme dhe më të vëmendshme ndaj aromave sesa meshkujt. Pra, meshkujt që nuk janë aq mashkullor ishin parë më ndryshe nga sytë e femrave kur kishin vënë deodorant.
Sipas ekspertëve, parfumet kanë aftësinë dhe fuqinë që t’i ndryshojnë perceptimet e ndryshme dhe kjo është arsye e mirë për të filluar të kujdeseni për aromën e trupit. /Telegrafi/