Kryetari i Komunës së Lipjanit Imri Ahmeti gjatë ditës ka pritur në takim Valmir Ismailin , përfaqësues nga Democraci Plus (D+) me të ciluin kanë nënshkruar Memorandum të Mirëkuptimit për themelimin e “Ekipit të Auditimit Social” në projektet ”Ndërtimi i Çerdhes në Rufc të Ri faza e II dhe “Ndërtimi i Sallës së Sporteve në Shkollën Ismail Luma në Lipjan”, projekte këto nga granti i performances komunale (DEMOS) mbështetur nga programi për Decentralizim dhe përkrahje të Komunave Bashkimi Evropian, Zvicra dhe Suedia Helvetas zbatuar nga Swiss Intercooperation në Kosovë.
Ky ekip i auditimit do të angazhohet për t’i monitoruar dhe përcjellur punimet në këto projekte kapitale.
Kryetari Ahmeti, është shprehur bashkëpunues dhe ka falënderuar projektin DEMOS për bashkëpunimin si dhe përfaqësuesve të Democraci Plus (D+) u ka ofruar mbështetje në realizimin e këtij projekti.
“Ftojmë edhe qytetarët lipjanas që të jenë sa më aktiv në procesin e auditimit social për të shtuar edhe më tutje transparencën dhe llogaridhënien institucionale”, ka thën[ midis të tjerash Ahmeti.
Kujtojmë se Komuna e Lipjanit është përzgjedhur që edhe në këtë vit të jetë pjesë e projektit të “Auditimit Social”, ku qytetarët do të monitorojnë më për së afërmi zbatimin e projekteve kapitale dhe do të shpalosin perspektiven e tyre me qëllim që investimet të cilat realizohen nga komuna të jenë sa më afër kërkesave të qytetarëve.
