Në kanalin zyrtar të ekipit Bad News Eagles është postuar video e mapit të fundit ‘inferno’ në fitoren historike kundër ekipit çek SINNERS, së bashku me komunikimin me zë të ekipit gjatë kësaj ndeshje, ku ekipi shqiptar shkroi historinë duke u kualifikuar në turneun më të madh të botës në CS:GO.
Në video mund të dëgjojmë zërat e të gjithë lojtareve të ekipit, që siç duket motivi për lojë dhe fitore nuk ju ra kurrë.
Komunikimi dhe loja ekipore e djemve nga Kosova nuk dallon aspak me atë të ekipeve më të mira botërore, duke mbajtur qetësin dhe duke mos u dorëzuar edhe pse rezultati nuk ishte në të mirë të tyre.
Në videon me komunikimin e lojtarëve mund të dëgjojmë çdo herë fjalë motivuese që lojtarët shprehin për njëri tjetrin gjatë lojës, e më së shumti nga ta dëgjohet JuanFlatroo, i cili mundohet ta motivojë dhe mbajë në lojë ekipin gjatë tërë kohës.
Më poshtë mund të shihni videon e plotë me komunikimin e lojtarëve të Bad News Eagles gjatë ndeshjes kundër SINNERS.
https://www.youtube.com/watch?v=O7aRpXutXjM
/Telegrafi/