Përzgjedhësi i Spanjës, Vicente del Bosque, thotë se skuadra e tij është favorite për të fituar Kampionatin Evropian këtë verë.
“Stuhia e kuqe” do të hyjë në kampionatin që mbahet në Francë pas dy triumfeve rresht në kampionate evropiane dhe shihet si kandidat i fortë për të triumfuar sërish.
Del Bosque thotë se ekipi i tij është në formë të mirë, por ka një numër të madh të rivalëve, që po kërkojnë të bëhen kampionë.
“Jemi në formë të mirë. Jemi favoritë për të fituar por ka edhe shumë kandidatë, është çështje tjetër. Ëndërrojmë të jemi kampionë sërish. Jemi favoritë dhe duam të mbrojmë titullin”, ka thënë Del Bosque. “Kemi një ëndërr, shpresë, dhe do të shohim nëse është e mundshme. Por, përsëri ka rivalë të mëdhenj”.
Spanja do të nisë kampanjën në Euro 2016 ndaj Republikës Çeke më 13 qershor.