Matia De Sciglio, një nga lojtarët më të mirë të Italisë në këtë Kampionat Evropian, beson në skuadrën e tij para ndeshjes me Gjermaninë.
Edhe pse Italia nuk hyn si favorite në sfidën kundër gjermanëve të shtunën në mbrëmje në Bordeaux, gjermanët asnjëherë gjatë gjithë historisë së tyre nuk i kanë mundur të kaltërit në një kompeticion madhor si Kupa e Botës apo kampionati Europian.
“Ne po e përgatitim në mënyrën më të mirë të mundshme këtë ndeshje, ashtu siç bëmë edhe për sfidën ndaj Spanjës. Do të jetë një takim shumë i vështirë sepse përballë do të kemi kampionët e Botës”.
“Gjermania ka në përbërje një skuadër të mrekullueshme. Megjithatë edhe ne i njohim vlerat tona dhe kualitet që zotërojmë, kështu që nuk i kemi frikë ata. Nëse luajmë si ndaj Spanjës unë jam i sigurt se mund t’ia dalim”.
“Ne nuk kemi yje në skuadër siç kanë Spanja apo Gjermania. Forca e vërtetë e kësaj skuadre është grupi, por edhe trajneri, kështu që mendoj se i kemi mundësitë për tu kualifikuar në gjysmëfinale përtej çdo vështirësie. Kemi mungesa, por kemi lojtarë që mund ti zëvendësojnë më së miri të dëmtuarit”, ka thënë De Sciglio.