Nëse lojtarët do të gjykoheshin vetëm mbi trofetë e fituar, Dani Alves do të vlerësohej si futbollisti më i madh i të gjitha kohërave.
Mbrojtësi brazilian i ka fituar 43-të trofe në karrierën e tij, i fundit në finalen e kupës së Amerikës ndaj Perusë.
Alves vendosi të përfundojë aventurën e tij jashtëzakonisht të suksesshme 17-vjeçare në Evropë, duk u larguar nga Paris Saint-Germain.
Ish superylli i Barçës u kthye në vendlindjen e tij në Brazil, duke nënshkruar një kontratë tre-vjeçare me Sao Paulo – klub që ai e nisi karrierën si fëmijë.
36-vjeçarit iu dha fanella me nr 10, por nuk e kishte parashikuar askush që ai do të ndërronte rol në fushë.
Alves u vendos në pozitën e nr. 10 nga trajneri i tij i ri Cuca, menjëherë pas sulmuesit Raniel – dhe kjo doli të jetë e drejtë, pasi këtë mundësi e shfrytëzoi me të dy duart.
Alves luajti 90 minuta të plota dhe ndihmoi Sao Paulo të sigurojë të tre pikët kundër Ceara, duke e shënuar golin e vetëm të ndeshjes.
Full video of Dani Alves goal for Sao Paulo yesterday, including build-up and celebrations! pic.twitter.com/T0PrDj0b4I
— World Football Index (@WorldFootballi) August 19, 2019
Ai goditi bukur një top në zonë duke mposhtur portierin e Ceara, Diogo Silva.
Mbrojtësi i djathtë legjendar po e shijon pozitën e re duke luajtur në një rol kaq të avancuar në fushë.
Legendhttps://t.co/t3HnLcinw1
— Best of Football (@BestofFootball8) August 19, 2019
Pritet të shihet se sa gola të tjerë do të na dhurojë ylli i futbollit. /Telegrafi/