Antonio Conte këmbëngul se dëshiron të ‘gëzojë familjen’, por refuzon të përjashtojë mundësinë e zëvendësimit të Rudi Garcias te Napoli.
Ish-mesfushori ishte një nga legjendat e Juventusit që festoi 100 vjetorin e pronësisë së familjes Agnelli në Torino mbrëmjen e së martës.
Raportime të shumta në Itali pretendojnë se Napoli ka kontaktuar me ish-trajnerin e Juventusit dhe Interit për t’i ofruar atij vendin e punës për të zëvendësuar Garcian dhe Conte ka thyer heshtjen tashmë.
“Për momentin më pëlqen familja. Bëra një zgjedhje të saktë kur vendosa të ndahem me Tottenhamin”, ka thënë fillimisht Conte për Sky Sport Italia.
“Dua të pushoj dhe të gëzoj familjen time, atëherë ju e dini shumë mirë që shumë gjëra mund të ndodhin në këtë rrugë. Tani dua të shijoj këtë atmosferë dhe atë që kemi përreth”.
Në këtë pikë, Gianluca Di Marzio e pyeti Conten: po sikur t’ju them Napoli?
“Shikoni, kërkon respekt dhe edukim të madh. Përsëri, ne thjesht duam të shijojmë natën e sotme, ne jemi të lumtur”, përfundoi ai.
Conte fitoi katër tituj të Serie A si trajner, tre në Juventus dhe një në Inter. Ai u largua nga Nerazzurrët në maj të 2021, duke iu bashkuar Tottenhamit më pak se gjashtë muaj më vonë. Ai u nda me Spurs në fillim të këtij viti.
Napoli i Garcias ka humbur ndeshjen e fundit para pushimit kundër Fiorentinës në Stadio Maradona dhe është shtatë pikë poshtë liderit të Serie A Napoli.
Sipas raportimeve në Itali, ish-trajneri i Verona dhe Marseille, Igor Tudor,
është gjithashtu në radarët e Napolit si një zëvendësues i mundshëm për Garcia. /Telegrafi/