Dyshja nga Kosova, Kujtim ‘gulito’ Durmishi dhe Rinor ‘rinoryy’ Mustafa do të garojnë në turneun Redbull Flick i cili do të mbahet në Kopenhagë të Danimarkës.
Dy të rinjtë që do ta përfaqësojnë Kosovën në turneun Redbull Flick do të jenë në garë me 15 skuadra nga e tërë bota.
Skuadrat do të jenë të ndara në katër grupe, ku 2 skuadrat më të mira nga secili grup do të vazhdojnë tutje në fazën tjetër ku i presin ekipet profesionale të ftuara: G2, Heroic, Furia, Ninjas in Pyjamas, BIG, Team Spirit, OG dhe Copenhagen Flames.
Në fazën kryesore 16 skuadra do të garojnë për një grup çmimesh prej 50.000 dollarësh.
Gara për dyshen nga Kosova do të fillojë me datën 19 nëntor, ndërsa orari nuk është bërë i ditur ende nga organizatori. /Telegrafi/