Planifikimi i dasmës së ëndrrave mund të jetë gjë e kushtueshme, por lajmi i mirë është se aq më e lirë që është dasma, aq më shumë zgjatë martesa.
Ndonëse revistat e nusërisë dhe kompanitë e aksesorëve vazhdojnë ta forcojnë idenë se dasmat duhet të jenë si në përralla, në anën tjetër hulumtuesit konstatojnë se e kundërta e kësaj është esenciale për qëndrueshmërinë e martesës.
Për të ardhur në këtë konstatim, hulumtuesit kanë anketuar 3,000 persona të martuar, dhe kanë zbuluar se ka disa karakteristika të caktuara që e rrisin shansin për t’u shkurorëzuar.
Sipas studimit, paratë që çifti i shpenzon në unazën e fejesës dhe në dasmë janë të ndërlidhura ngushtë me jetëgjatësinë martesore.
Hulumtuesit thonë se aq më shumë që shpenzon çifti në unaza, aq më të mëdha janë shanset për t’u ndarë – e posaçërisht kur unaza kushton mbi 1,900 euro.
E njëjta gjë është e vërtetë edhe për çmimin e ceremonisë martesore – aq më shumë që shpenzohet për dasmë, aq më të mëdha janë rreziqet për t’u ndarë çifti. /Telegrafi/