Ruud Van Nistelrooy (Ish-lojtar i Manchester Unitedit): “2001-2006, 219 ndeshje, 150 gola nën trajnerin më të suksesshëm në histori të futbollit. Ishte një privilegj unik”.
Patrick Vieira: “Ky është përfundimi i epokës së një ambasadori të madh, jo vetëm të Ligës Premier, por të futbollit në përgjithësi. Fat të mbarë Sir Alex”.
Sergio Busquets (Barcelona): “Ferguson është një trajner që gjithmonë do të mbahet në mend. Pensionimi i tij është humbje për botën e futbollit”.
Radamel Falcao (Atletico Madrid): “Ngrihuni në këmbë, bëni duart bashkë dhe dhuroni atij duartrokitje të mëdha! Sir Alex Ferguson po pensionohet. Urime për një karrierë të shkëlqyeshme”.
Dani Alves (Barcelona): “Pensionimi i tij është sikur të hiqet një nga mitet e futbollit. Ai është një lloj profesionisti i cili i jep kuptim këtij sporti. Faleminderit Sir Alex Ferguson”.
Cristiano Ronaldo (Real Madrid): “Faleminderit për gjithçka, Boss”.
David Beckham (PSG): “Ndikimi që ai ka pasur në ekipin e tij, në lojtarët dhe tifozët… Nuk mendoj se ekziston dikush në futboll që ka pasur një ndikim të tillë ndonjëherë”.
Michel Platini (President i UEFA-s): “Sir Alex ka dhënë një kontribut masiv në futboll, jo vetëm në Skoci dhe Angli, por edhe në Evropë e gjithandej”.
Vincent Kompany (Mbrojtës i Manchester Cityt): “Sir Alex, njëri ndër menaxherët më të mirë të të gjitha kohërave. Pas 26 viteve të suksesit në këtë lojë, ne të gjithë i detyrohemi shumë atij”.
Michael Owen (Ish-futbollist i Manchester Unitedit): “Thjesht nuk po mundem ta përpij këtë. Manchester United pa Sir Alex Fergusonin nuk duket në rregull. Çfarë njeriu i madh që është dhe është mirë që e përfundoi siç deshi ai”.
Kasper Schmeichel (Leicester City) djali i portierit legjendar Peter Schmeichel: “Tejet i shokuar. Pa diskutim se është menaxheri më i mirë që ka jetuar ndonjëherë”.
Danny Simpson (Newcastle United): “Uau, nuk mund të besoj se Sir Alex vërtetë është pensionuar. Nuk duket reale. Ai është legjendë absolute dhe ndihem i privilegjuar që kam punuar me të”.
Romelu Lukaku (West Bromwich Albion): “Është pikëlluese të dëgjosh që njëri ndër menaxherët më të mirë në botë është pensionuar. Sir Alex është një kampion i vërtetë”.
Klubi i Chelseat: “Të gjithë këtu te Chelsea dëshirojmë t’i urojmë Sir Alex Fergusonit më të mirat gjatë pensionimit të tij. Ai ka qenë fantastik gjatë 26 viteve të fundit”.
Neil Lennon (menaxher i Celticut): “Futbolli nuk do të jetë më i njëjtë pa Sir Alex.. çfarë kontributi të madh ka dhënë ai për këtë lojë. Dyshoj që dikush mund ta zëvendësojë atë ndonjëherë”.
Peter Schmeichel (Ish-portier i Manchester Unitedit): “I zhgënjyer, i shokuar, i mërzitur. Nuk e kam menduar se kjo ditë do të vinte pikërisht sot”.
Sepp Blatter (President i FIFA-s): “Sapo dëgjova se Sir Alex Ferguson do të pensionohet në fund të sezonit. Arritjet e tij në këtë lojë dëshmojnë që padyshim ai është ndër më të mirët”. /Telegrafi/