Na’vi është ekipi i fundit që siguron gjysmëfinalen në PGL Antwerp Major, i cili po mbahet në qytetin Antwerp të Belgjikës.
Ekipi ukrainas ka arritur që të rikthejë ndeshjen kundër Heroic, pasi në mapin e parë kishin pësuar humbje me rezultat 16:10.
Në mapin e dytë ‘Ancient’ pas një ndeshjeje me emocione dhe shumë raunde të ngushta, Na’Vi arriti që ta përmbyll me rezultat 16:14, për të kaluar në mapin e tretë dhe atë vendimtarin.
Mapi vendimtar ‘Nuke’, ishte gjatë gjithë kohës në dominim nga skuadra e Na’Vi, ku pati një paraqitje fenomenale nga lojtari i tyre Denis ‘electroNic’ Sharipov.
Me këtë fitore Na’Vi tashmë ka siguruar gjysmëfinalen ku do të ndeshet kundër ekipit ENCE, nesër (e shtunë). /Telegrafi/