Duke qenë se vetë procesi i divorcit nuk është mjaft i vështirë, ju duhet gjithashtu të merrni parasysh se si do t’ia jepni lajmin familjes dhe miqve
Sidoqoftë, gjithçka do të jetë mirë nëse përgatiteni mirë para se t’ua komunikoni atyre lajmin.
Ken Page ka ndarë këshilla për revistën “Mind Body Green” për t’ju ndihmuar t’i bëni këto biseda sa më me “pak dhimbje”, transmeton Telegrafi.
Mos jini të rreptë me veten tuaj
Divorci është i komplikuar në shumicën e rasteve, ndaj nuk duhet të jeni të rreptë me veten. Nuk duhet ta kapërceni menjëherë ndarjen dhe të vazhdoni sa më shpejt që të jetë e mundur.
Është gjithashtu krejtësisht në rregull të prisni një kohë të caktuar përpara se të njoftoni familjen dhe miqtë.
“Tregojuni atyre kur të jeni gati. Bëjeni ashtu siç është më e lehtë për ju. Jini të drejtpërdrejtë”, ka thënë Ken Page.
Nuk jeni të detyruar të informoni të gjithë njerëzit
Kur të jeni gati të flisni për divorcin, mbani mend se duhet të mbroni veten nga ata që nuk do të respektojnë kufijtë tuaj. Si mjet i fundit, ju mund t’u dërgoni një mesazh duke u kërkuar atyre të respektojnë privatësinë tuaj.
“Ju vendosni vetë se kush meriton të dijë të gjitha detajet”, tha ai.
Mbështetuni te miqtë e vërtetë
Kjo është koha kur do të dëshironi të jeni në shoqërinë e atyre që nuk ju gjykojnë. Miqtë e vërtetë janë të rrallë, por ata ia vlejnë peshën e tyre në ar.
“Flisni për gjërat që ju shqetësojnë më shumë vetëm me njerëz që ju njohin ‘përzemërsisht’. Mund t’ia lehtësoni vetes vetëm duke folur,” shpjegoi ai. /Telegrafi/
