Sulmuesi italian Antonio Cassano ka marrë një vendim të papritur teksa ka vendosur të tërhiqet nga futbolli.
Vetëm tetë ditë më parë ai firmosi një kontratë njëvjeçare me skuadrën e sapo ngjitur në Serinë A, Hellas Veronën.
Sipas raportimit të mediave italiane, 35-vjeçari e ka marrë një vendim të tillë për arsye familjare, transmeton PanoramaSport.
Sot në orën 16:00 është programuar një konferencë për shtyp ku Cassano do të sqarojë situatën në lidhje me atë çfarë ka vendosur.
Italiani në të kaluarën ishte pjesë e klube të mëdha si Roma, Real Madrid, Milan e Inter.