Ish-lojtari i kombëtares argjentinase, Carlos Tevez, është bërë trajneri i ri i klubit nga Superliga e Argjentinës, Independiente.
39-vjeçari Tevez ka marrë edhe zyrtarisht postin e trajnerit te Independiente, e cila ka konfirmuar zyrtarisht emërimin e tij në rrjetet sociale.
“Carlos Tevez është trajneri i ri i ekipit profesional të Independiente”, thuhet në njoftimin e klubit.
Carlos Tevez es el nuevo entrenador del plantel profesional de #Independiente.
¡Bienvenido y todos los éxitos en esta etapa!#TodoRojo 🔴 pic.twitter.com/vEQt1IyeXs
— C. A. Independiente (@Independiente) August 22, 2023
Tevez e pasoi në atë pozicion specialistin argjentinas Albert Zielinski, i cili u largua nga bankina pas humbjes së fundit ndaj Colon.
Për ish-sulmuesin e West Ham, Manchester United, Manchester City dhe Juventus, i cili e nisi dhe e mbylli karrierën e tij si lojtar në Boca Juniors, kjo do të jetë puna e dytë si trajner në karrierën e tij.
✍️ Carlos Tevez firmó su contrato por un año con #Independiente y en instantes dirigirá su primera práctica en el predio de Villa Domínico.#TodoRojo 🔴 pic.twitter.com/hdwUhmIQMe
— C. A. Independiente (@Independiente) August 22, 2023
Vitin e kaluar ai drejtoi Rosario Central nga bankina, por dha dorëheqjen pas vetëm pesë muajsh.
Independiente është një nga klubet më të mëdha argjentinase. Fitoi kampionatin 16 herë, dhe 7 herë Copa Libertadores, versioni i Ligës së Kampionëve në Amerikën e Jugut. /Telegrafi/