Mesfushori brazilian, Bruno Guimaraes ka shënuar një supergol me thembër në fitoren e Newcastle United ndaj Southamptonit.
Newcastle mori një fitore të madhe 2-1 në udhëtim te Southamptoni në ndeshjen e vlefshme për javën e 21-të në Ligën Premier.
Golat në këtë përballje u shënuan nga Stuart Armstrong (25’) për vendasit, ndërsa Chris Wood (32’) dhe Guimaraes (52’) për mysafirët.
GET INNNNN!!!! 😍😍 pic.twitter.com/tdESZFz51M
— Newcastle United FC (@NUFC) March 10, 2022
Megjithatë, goli i tretë i ndeshjes apo i dyti dhe i fitores për Newcastle, i shënuar nga Guimaraes ka ‘vjedhur’ vëmendjen.
24-vjeçari u gjend mirë në zonë dhe befasoi të gjithë me veprimin e tij, duke shënuar me thembër dhe me shpinë të kthyer nga porta kundërshtare.
How?! 🤯 pic.twitter.com/nX64mhyvnC
— Newcastle United FC (@NUFC) March 10, 2022
Ky ishte goli i parë i Guimares me “Laraskat” dhe tashmë ka pushtuar rrjetet sociale, pasi veprimit të tij.
Ndryshe, reprezentuesi brazilian mbërriti nga Lyon në janar dhe kjo ishte vetëm ndeshja e tij e parë si titullar, pasi gjithmonë ka luajtur minuta nga bankina. /Telegrafi/
https://twitter.com/NUFC/status/1502086919773118464