Faqja më e madhe për CS:GO, HLTV, ka vazhduar me publikimin e më të mirëve për vitin 2022, tashmë janë mësuar 15 prej tyre.
Dy lojtarët e fundit të cilët janë publikuar nga HLTV janë, Ilya “m0NESY” Osipov nga ekipi G2 dhe Helvijs “broky” Saukants nga FaZe.
Në vendin e shtatë renditet talenti m0nesy i cili ka pasur paraqitje fantastike në ngjarjet gjatë vitit 2022, dhe mori vlerësimin 1.17.
Ai dhe ekipi i tij fituan një turne të madh të CS:GO, një herë u renditën në vendin e dytë, dhe dy herë në vendin e tretë.
Vendi i gjashtë i takon snajperistit të ekipit FaZe, broky i cili padyshim se është një ndër më të mirët e botës.
Broky ka pasur shumë sukses gjatë vitit 2022 me ekipin e tij, duke fituar katër turne, një prej tyre Major, si dhe dy herë zuri vendin e dytë, dhe njëherë të tretin.
Lojtari nga Latvia u vlerësua 1.16 nga HLTV për vitin 2022. /Telegrafi/