Anëtari më i ri i familjes Kardashian-Jenner tashmë po jeton një jetë luksoze – edhe pse është vetëm gjashtë javësh.
Kylie Jenner u dha fansave një paraqitje të shkurtër të shtatzënisë së saj në një video 10-minutëshe në YouTube të titulluar “To Our Son”.
Jenner dhe i dashuri Travis Scott mirëpritën fëmijën e tyre të dytë më 2 shkurt 2022.
Në videon e publikuar të hënën, 24-vjeçarja zbuloi se kishte pasur një ‘baby shower’ me temë gjirafe dhe ndau pak nga dhoma me ngjyra neutrale e bebes.
Por në një det ngjyrash të heshtura dhe libra për fëmijë, ranë në sy ariu nga pelushi Louis Vuitton me vlerë rreth tetë mijë euro dhe koleksioni mbresëlënës i atleteve të djalit të vogël të Kylie.
Ariu i rrallë është i printuar me monogramin klasik të Louis Vuitton dhe nuk gjendet më në dyqane. Fillimisht i lëshuar gjatë shfaqjes së veshjeve për meshkuj të vjeshtës 2004 të Louis Vuitton, që nga ajo kohë është rritur në vlerë dhe konsiderohet si një artikull koleksionist – është aktualisht i listuar për një çmim marramendës prej 20,550 dollarësh në Farfetch.
Ndërkohë, dollapi i atleteve ishte mbushur me Nike, duke përfshirë një palë këpucë me stampim të babit Scott’s Air Jordan 6 TD Cactus Jack.
Vajza e Jenner, Stormi, udhëhoqi paraqitjen e dhomës, duke hapur derën për personin që kreu xhirimet dhe duke lënë pas një vizatim për vëllanë e saj të vogël.
“Shiko dhomën e foshnjës”, tha 4-vjeçarja e emocionuar përpara se të shkonte të luante me disa nga lodrat e tij.
Jenner dhe Scott mirëpritën Stormin në shkurt të vitit 2018 pas lidhjes për gati një vit. Edhe pse në video dyshja duket se janë të entuziazmuar nga ardhja e fëmijës së tyre të dytë, javën e kaluar manjatja e grimit foli për betejat e saj pas lindjes.
“Kjo përvojë për mua, personalisht, ka qenë pak më e vështirë sesa me vajzën time. ka qenë sfiduese mendërisht, fizikisht dhe shpirtërisht”, tha Kylie në Instagram Stories.
Jenner tha se zgjodhi të flasë për vështirësitë e saj pas lindjes, në mënyrë që nënat e tjera të reja të ndjejnë më pak “presion” për t’u kthyer në jetën e tyre normale. /Telegrafi/