ESL e ka konfirmuar se turneu Major i radhës do të mbahet këtë vit në Brazil siç edhe pati spekulime, ku ngjarja do të zhvillohet në qytetin e Rio de Janeiro.
Formati i turneut më të madh të CS:GO i organizuar nga VALVE, do të mbahet njëjtë sikur turneu i kaluar, ku 24 ekipet që kualifikohen nga turnet e ‘RMR’, do të garojnë në tri faza të turneut që fillojnë nga data 31 tetor.
Turneu do të fillojë nga data 31 tetor, dhe do të zgjasë deri me datën 13 nëntor, ndërsa biletat për ata që dëshirojnë të jenë të pranishëm në Jeunesse Arena për ndeshjet e “Play-Off’, do të dalin në shitje nga data 25 maj.
IT'S HAPPENING
The first @CSGO Major in Brasil! 🇧🇷#IEM Rio 2022
📅 Tournament: October 31-November 13
🏟 Jeunesse Arena: November 10-13
🎫 Tickets open May 25 at 14:00 BRT🔗https://t.co/rYYLX97o1G pic.twitter.com/X47IU3jkGd
— ESL Counter-Strike (@ESLCS) May 24, 2022
Edhe në këtë turne Major, 24 ekipet pjesëmarrëse do të garojnë për një grup çmimesh rreth 1 milion dollarë.
Fitues i Majorit të kaluar u shpall ekipi i FaZe në krye me kapitenin ‘karrigan’ të cilët morën me vete çmimin prej 500.000 dollarësh. /Telegrafi/