Kombëtarja e Brazilit ka fituar me rezultat 4-1 ndaj Uruguain, ndërsa Argjentina ka mposhtur 1-0 Perunë në ndeshjet e vlefshme për kualifikimet në “Katar 2022”.
Ekipet kombëtare nga Amerika Latine kanë vazhduar me ndeshjet kualifikuese, ku favoritet kanë marrë fitoren e radhës.
Brazili ka mposhtur pa vështirësi Uruguain në një ndeshje të dominuar gjatë 90 minutave, ku Neymar ishte lojtari kryesor i Selecaos.
QUE NOITE DE GALA! 🏟️ Brasil derrota o @Uruguay com grande atuação sobre os braços de Manaus!
ASSIM A GENTE GOSTA!
🇧🇷 4-1 🇺🇾 | #BRAxURU pic.twitter.com/0bavmWK2ZL
— CBF Futebol (@CBF_Futebol) October 15, 2021
Pjesa e parë e ndeshjes u mbyll me epërsi 2-0 të Brazilit, ku fillimisht shënoi Neymar (10’) për 1-0 dhe pastaj Raphinha (18’) për 2-0.
Në pjesën e dytë, Raphinha (58’) shënoi për 3-0, Luis Suarez (77’) ngushtoi rezultatin në 3-1, ndërsa Gabriel Barbosa (83’) vulosi fitoren 4-1.
Në ndeshjen tjetër, Argjentina fitoi me vështirësi dhe rezultat minimal 1-0 ndaj Perusë.
⚽ @Argentina 🇦🇷 1 (Lautaro Martínez) 🆚 #Perú 🇵🇪 0
👉 ¡Final del partido en el Monumental!
¡#VamosArgentina! 💪 pic.twitter.com/y9bg7un4nf
— 🇦🇷 Selección Argentina ⭐⭐⭐ (@Argentina) October 15, 2021
Goli i vetëm në fitoren e kombëtares Albiceleste u shënua nga Lautaro Martinez në minutën e 43-të.
Pas fitoreve, Brazili e sheh veten në pozitën e parë me 31 pikë, ndërsa Argjentina e dyta me 25 pikë. Uruguai zë vendin e pestë me 16 pikë, teksa Peru i nënti me 11 pikë. /Telegrafi/
