Ndërsa Ferrari i dha shenjat e para të përmirësimit në Brazil, Mercerdes vijon të jetë një hap para dhe arriti të vendosë kohët më të mira edhe në sesionin e fundit të provave të lira.
Këtë herë ishte Valtteri Bottas që bëri më shpejt xhiron, duke e ndalur kronometrin në kohën 1.09.281.
Vetëm tre të mijtat më ngadalë ishte shoku i tij i skuadrës, Lewis Hamilton, që pjesën më të madhe të këtij sesioni e zhvilloi me gomat më të forta, që pilotët do të përdorin në këtë gare.
Sa i përket Ferrarit, kishte bërë shumë përmirësime nga dy sesionet e mëparshme dhe Kimi Raikkonen e udhëhoqi për pjesën më të madhe sesionin e tretë, por koha e tij nuk shkoi më mirë se 1.09.326.
Por, 45 të mijtat më ngadalë ishte Sebastian Vettel, që konfirmoi se Interlagos nuk është një pistë shumë e favorshme për Ferrarin.
Probleme në prova shfaqi edhe Verstappen, që në xhiron e fundit bëri një dalje të rrezikshme nga pista. /TCh/
