Mesfushori Bledian Krasniqi shënoi një gol për Zurichun të dielën, por kjo nuk mjaftoi për të siguruar fitoren.
Zurichu u mposht nga St. Galleni me rezultatin 2-1 në xhiron e 23-të të Superligës zvicerane.
Krasniqi hapi rezultatin në minutën e 19-të, por St. Galleni përmbysi rezultatin në pjesën e dytë me dy gola nga Jean-Pierre Nsame në minutat 71 dhe 76.
Keine Punkte für den FCZ im heutigen Spiel…#FCZSG #fcz #NieUsenandGah pic.twitter.com/KpBPvMzOMa
— FC Zürich (@fc_zuerich) February 9, 2025
Krasniqi luajti gjatë gjithë ndeshjes, ndërsa Lindrit Kamberi u fut në lojë në minutën e 67-të, e Mirlind Kryeziu mungoi për shkak të lëndimit.
Për St. Gallenin, Betim Fazliji u aktivizua në minutën e 65-të dhe Bastien Toma pesë minuta më vonë, ndërsa Albert Vallçi mbeti në stol.
Me këtë fitore, St. Galleni u ngjit në vendin e gjashtë me 35 pikë, ndërsa Zurichu zbriti në vendin e tetë me 33 pikë. /Telegrafi/