Heroic dhe FaZe janë dy skuadrat që kanë arritur në finale të turneut Blast Premier Fall Final që po mbahet në Kopenhagë të Danimarkës.
Turneu me vlerë 425.000 dollarë është afër mbarimit, tani ka mbetur vetëm ndeshja finale ndërmjet Heroic dhe FaZe.
Kjo ndeshje do të zhvillohet në formatin ‘Bo3’ nesër (e diel) duke filluar nga ora 17:30, ku për ekipin fitues do të ndahet çmimi prej 200.000 dollarësh.
Favorit i ndeshjes finale është ekipi Heroic të cilët renditen në vendin e dytë në ranglistën botërore.
Ekipi fitues në këtë finale gjithashtu do të sigurojë pjesëmarrjen në turneun Blast World Final, që do të zhvillohet nga data 14 dhjetor.
Ndeshjen mund ta ndiqni në kanalin zyrtar të Blast Premier në platformën Twitch. /Telegrafi/