Telegrafi

Billy Gilmour krahasohet me N’Golo Kanten në paraqitjen e tij brilante ndaj Anglisë

Billy Gilmour dha një paraqitje të jashtëzakonshme në barazimin 0-0 të Skocisë me Anglinë në Wembley ndërsa i talenti i Chelseat përfundoi sfidën me çmimin lojtari i ndeshjes.

Duke startuar nga minuta e parë dhe që ishte starti i tij po ashtu i parë për skocezët, ai luajti për 76 minutat. Çdo pasim që mesfushori bëri në pjesën e parë gjeti një bashkëlojtar(një saktësi perfekte nga 20 pasime të bëra, 20 të realizuara).

Mesfushori organizativ ishte kudo, duke ngjarë në thelb me një ” N’Golo Kante të Skocisë”, e që paraqitja e tij u vlerësua lartë.

Gilmour e përfundoi ndeshjen me një saktësi pasimi prej 91 për qind, tetë rikuperime topash dhe dy ndërhyrje.

Ish-shefi trajneri i Chelseat, Jose Mourinho ishte dakord, duke i thënë talkSPORT: “Gilmour në mesfushë, ai bëri ndryshimin”.

Lexo po ashtu Mesut Ozil tallet keq me Anglinë në barazimin pa gola ndaj Skocisë

“Ai ishte fantastik. Ai ishte gjithnjë në lëvizje, gjithmonë duke treguar, ai donte topin, ai po kthehej nën presion. Ai e lidhi lojën shumë, shumë më mirë”.

Është e drejtë të thuash se tifozët e Skocisë dhe Chelseat kanë shumë për t’u entuziazmuar kur bëhet fjalë për të ardhmen e 20-vjeçarit. /Telegrafi/