Bernard Berisha vazhdon të mbetet njëri nga lojtarët kryesor të Akhmat Groznyt, ku edhe në ndeshjen e fundit të Kupës së Rusisë, kundër Pari NN arriti të shkëlqejë.
Pas një pjesë të parë me gola, Ahkmat shkoi në pushim me rezultatin 2-1.
Me të filluar pjesa e dytë, Bernard Berisha mori një top në mesin e fushës dhe me shpejtësi të madhe arriti te porta kundërshtare, ku kaloi portierin dhe shënoi për 3-1.
3-1 Berisha pic.twitter.com/dV5sOUOrVR
— RPL Sky (@RPLNews_eng) July 31, 2024
Në minutën e 60-të u vendos rezultati përfundimtar kur sërish Berisha nga një kundërsulm të shpejtë doli i vetëm me portier dhe shënoi për 4-1.
4-1 Berisha pic.twitter.com/U7i2d5IpF7
— RPL Sky (@RPLNews_eng) July 31, 2024
Me këtë fitore, mban vendin e parë në grup, pasi sistemi i Kupës së Rusisë zhvillohet me fazë të grupeve./Telegrafi/