Portieri i Belgjikës, Thibaut Courtois, thotë se ekipi i tij është ndër favoritët për të fituar Kampionatin Evropian.
Belgjika aktualisht është përfaqësuesja e dytë më e mirë në botë dhe më e mira në Evropë.
Portieri i këtij ekipi, Courtois, shpreson që Belgjika mund të tregojë veten me “Gjeneratën e Artë” dhe të sigurojë medaljen e artë.
“Mezi po pres të nisë turneu. Është hera e dytë për gjeneratën tonë dhe pas Botërorit, kur arritëm çerekfinalen, ndjejmë se mund të bëjmë më mirë”, ka thënë portieri i Chelseat për “FourFourTwo”.
“Shpresa është që sivjet të arrijmë edhe më shumë. Do të jetë e vështirë, ka shumë ekipe të mëdha dhe duhet të kemi fat. Do të shkojmë dhe mendojmë se jemi ndër ekipet që mund ta fitojnë, por sigurisht duhet të shkojmë hap pas hapi”, ka shtuar belgu.
Belgjika do të luajë me Italinë, Suedinë dhe Republikën e Irlandës në fazën e grupeve.