Nga: Peter Gabriel (albumi “OVO”, 2000)
Përktheu: Agron Shala
Vishe fustanin që kishe kur u martove
Lëshoje vellon sa të mos shihen sytë
A e mban mend prej nga erdhëm
Le të sillemi siç jemi sjellë të dytë
Shikoje të nesërmen sot
Duke e bërë të nesërmen sot
Ktheje foton nën dritaren tënde
Ndale telefonin që mban në duar
Largoi gjërat që qëndrojnë mes nesh
Le të bëhemi çfarë mund të jemi
Kur gjithçka duket
E pashpresë
Kur duket
E pashpresë
Bëje të nesërmen
Bëje të nesërmen sot
Ku ka vlerësim më të mirë të asaj që bëre këtu
Sesa ajo që prapa mund të lësh
Të gjithë fëmijët e fëmijëve të fëmijëve tu
A mendon ndonjëherë çfarë kanë me gjetë
Bëje të nesërmen
Kur e shenjta takon të frikësuarën
Bëje të nesërmen
Ku trimërohet ëndrra e ëndërrimtarit
Në secilin prej nesh
Ëndrra mund të djegë si diell
Le ta provojmë edhe një herë
Që këtë mësim ta kuptojmë
Ulur në anije kozmike
Shikon tokën poshtë
Pyet veten për çfarë po luftojnë
A ia vlente e gjithë kjo
Bëje të nesërmen sot
Bëje të nesërmen
